¿Cúmo yía posible?
Cómo ye posible que vivamos nuna sociedá onde faen falta más diseñadores gráficos qu’agricultores.
Cómo ye posible qu’heba más xente que sepa manexar el Photoshop qu’una fesoria.
Cómo ye posible qu’un rapaz que fae publicidá, pal sistema capitalista xabaz nel que vivimos, tenga más consideración social qu’otra moza que coles sos manos llimpies cultiva la tierra y pue auto-satisfacer la so fame.
Agora ye Motiva ’09. L’alcuentru de diseñu más famosu d’Asturies y au tou bon modernu dirá pa tar al tantu de les postreres modes na industria de la publicidá. Llámenlo creatividá. Yo llámolo collaboracionismu. Rapacinos ilusionaos ya ilusos, de les escueles d’artes, dirán como ganao a la Llaboral pa ser bien adoctrinaos. Pa que nel so futuru profesional seyan quien a facer un bon trabayu de marketing pal sistema y ensín rechistar. A cambio de la so inestimable collaboración, como bonos sicarios, podrán vistir con ropes llamatives, a la última, como manda la MTV.
Bono… Ta bien. Yo toi equí recabando la tierra y esta nueche se que voi cenar; Tú, ¿sábeslo?
Esbilla
del.icio.us
semandovientos@yahoo.es
Y lo que ye peor tovía, entá más xente nun sabe nin manexar el Photoshop nin la fesoria. Namás saben ser lo que'l sistema quier que seyan: xente pasivo, ensin xacíu, cáscares vacíes. Consumidores. Esclavos.
Norabona pol blogue y a siguir con él, cola güerta y cola independencia mental, campesín ;)
Gracies poles pallabres d'animu. Toi d'alcuerdu dafechu en tolo que dices. La independencia mental a min llevome a intentar autoxestioname l'alimentación. Un individuu llibre ye'l que nun depende d'estructures de dominación de nenguna triba, nin mentales nin materiales. Y anque ye perdificil nel camín mos atoparemos.
Ojala tuvieramos respuesta para esas preguntas, el mundo cambiaria y todos seriamos mas felices, eso seguro.
Un saludo.