Ayeri domingu entereme de la muerte d'un rapaz de Castiellu la Marina seique por Gripe A. De confirmase sedría'l primer casu de muerte nel pais de nuesu por bioterrorismu farmaceuticu. El mio pésame pa la so familia.
Déxovos un enllaz perinteresante sobre la gripe A.
NON A LA VACUNACIÓN DE LA GRIPE A
INDUSTRIA FARMACEUTICA, OMS Y GOBIERNOS = ASESINOS
Xubida de temperatures, amenorgamientu de les lluvies, perda d'especies animales y vexetales d'altu monte, colonización d'otres mediterranees, más fueos, más problemes de salú venceyaos a enfermedaes respiratories, descensu de la produición forestal, perda de cultivos tradicionales...
Estes inquietantes posibilidaes foron amosaes pola Oficina pa la Caltenibilidá del Principado nel so primer estudiu sobre les evidencies y los efeutos potenciales del calentamientu global nel país.
Mete mieu.
Eso sí, son optimistes porque'l nuesu tiempu paecerase al de Valencia y el turismu reforciariase.
De xuru dalgún ta frotándose les manes per Llanes.
Pasiando hai poco, atopé a un paisanu, un vecín del pueblu au trabayo la tierra, que convidóme a ver la so casa. Una casona d’estes antigües, de señoritu, con capiella y too. Na visita llevómos a les antigües cuadres y ellí vi daqué precioso na penumbra. Un carru’l país perfeutamente conserváu. Tuvimos falando un cachu del carru y cuntómos como yeren, que tipoloxíes había (esti, díxome, yera de Campu Casu) y como elli de nenu conocío dalgún.
Tamién tuviemos falando del galipu qu’ellí tenía. El galipu, desplicómos Pepe Alberto, yera un midía antigua. Na so casa usábenla pa midir les fabes y les patates. Esti vecín alcordábase dafechu de lo que llevaba de fabes: 4 kg. Echabes les fabes nel galipu y con una regla rasábeslu. Eso yeren los cuatro kilos. De lo que llevaba patates ya nun s’alcordaba tantu.
Lo más guapo d’esto foi que demientres unos minutos dos xeneraciones estremaes compartimos espaciu, llugar y hestoria. Y esi espaciu y esa hestoria yeren reales. Nun yera un llibru sobre preseos antiguos d’Asturies, nin una sala mal allumada d’un muséu. Yera la casa de Pepe Alberto y yo colé pa la de mio con un bon recuerdo y sabiendo cuanto lleva un galipu fabes.
El Nocéu ye una finca agro-ecolóxica asitiada en Sariegu y xestionada por Laurentina San José Vega y Aquilino González. En El Nocéu faen sidra ecolóxico con mazanes ecolóxiques, pero tienen más cultivos d'esti tipu. David Fonseca Cano de la revista "La Sidra" fízo-yos una entrevista nel mes d'ochobre de 2007, a cuentes un especial sobro sidra ecolóxico que fizo esti mediu comunicación. Reproducimos equí la entrevista yá que cuido que ye interesante lo que dicen Laurentina y Aquilino.
Esti vienres cellébrase'l Día Mundial de les Lluches Campesines y podemos facer delles coses:
El xueves 16 a les 19.30h aldarique: cooperatives agroecolóxiques, una propuesta de soberanía alimentaria. Con Pilar Galindo [Cooperativa la Garbancita Ecológica, Madril]. Salón de plenos de la Casa Conceyu de Navia.
El vienres 17 a les 20h. Concentración: Soberanía alimentaria yá. Llugar: Teatru Campoamor (Uviéu). Entama: Campaña Asturiana Agrocombustibles Non.
Más info en: http://www.localcambalache.org/
semandovientos@yahoo.es
Tags
Esbilla
del.icio.us